前两日阴雨绵绵气温骤降海北婲农肯定谂：如果前半个月天气都系咁就好喇。点解皆因前段时间天气太暖，海北村啲桃花开晒一班花农都担心过年摆花街嗰几日，辛苦种咗一年嘅桃花卖唔起价

不过翻查下资料，几乎年年花农都系睇天食饭——桃花难种又矜贵天气太冻太热都唔得，难得拣啱好时候开花所以年年花市开张之前，都有“今年要捱贵桃花”嘅新闻外地朋友可能就话喇，桃花又贵又唔靓咁咪唔买啰！咁又唔得喔事關广州人过年，桃花系肯定唔少得嘅第一，老人家希望仔女今年可以行返个“桃花运”；第二因为桃花系红色嘅，“红桃”发音同“宏图”相近插桃花寓意“大展宏图”。所以话桃花点少得呢！

广州嘅桃花产地有两个，民间有“北有石马南有海北”嘅讲法。石马系指白云区嘅石马村而海北就系上边提到嘅芳村海北村。石马村种桃有几百年历史呢度出产嘅桃远近驰名。但系种桃花就不过系几十姩前嘅事而且据讲石马引进嘅仲系芳村嗰边嘅桃花种。照咁样讲法话唔埋石马桃花同海北桃花其实就系一家。所以大家买桃花嘅时候唔使追究边个地方嘅桃花最“正宗”，大细合适就得喇至于系唔系捱“贵桃花”，新年点都要攞返个好意头大家亦都唔好太介意。